2008-05-16
Амьдрал гэж юу юм бэ?
Амьдрал гэгч ер юу юм бэ? Элдвийг эргэцүүлж, шинийг эрэлхийлж, бодлоо асгаж, үгээ урсгана. Цангаа тайлж, өл дарж, сэтгэлээ баясгаж, зүрхээ дарна... Юу юм бол оо?! Би өөрөө ч мэдэлгүй амьдрах мөртлөө, яагаад ч юм үхэхээс айна. Энэ амттай, өрнөлтэй ертөнцөөс хасагдана гэхээр, надгүйгээр амьдрал цаашаа үргэлжилнэ гэхээр, би өөрийн гэсэн бүхнээ хэнд ч юм бэ орхиод үүрд явна гэхээр, эсвэл бүр хумхын тоос шиг үүрд алга болчихно гэхээр өөрийн мэдэлгүй амьдралд шунаж, энэ ертөнцтэй үүрд холбоотой байхыг хүснэ. Гэтэл ухамсрын энэ ертөнц хязгаарлагдсан болохоороо л махан биеийн хүслээр сэтгэж, амьдарч байгаа ч юм билүү... Амьдрал гэж яг юуг хэлээд байгаа юм бэ? Бидний энэ махан бие төлжихөөсөө эхлээд үхэж дуусах тэр цаг хугацааны заагийг амьдрал гээд байгаа юм уу? Гэтэл юу гэдгийг нь яг сайн мэдэхгүй энэ л амьдралдаа сайн сайхан явахыг л хүснэ. Мэдээж хэрэг л дээ. Сэтгэгдэл бичих
Бичлэг
би л лав нэг хэсэг амьдрах ямар ч сонирхолгүй болцон юм шиг байсан, юунд ч сэтгэл хөдлөхгүй, сайхан мэдээ, муухай мэдээнд ч тэр.
баярлахгүй, гутрахгүй гунихгүй бол амьдрах хэрэггүй юм биш байгаа?
за би эвтанази гээч юмыг сурталчлаагүй шүү, өөрийнхөө заримдаа төрдөг бодлыг хэллээ